De Seniorenvertreden in de Stadtgemeen’ Bremen

Dat sünd wi

Wi hört keen’ Partei un Konfeschon to, gellt avers bi’n Senat vun de Frie’e Hansestadt Bremen as de Vertreden för all’ de Senioren in Bremen.

De Mehrsten vun us warrt in de Biraat-Rebeden utsöcht. Dat süht so ut, dat in jedeen Stadtdeel een’ Persoon för över 6.000 Olendelers tostännig is. Dorto kaamt to’n Bispill Gootgeversch-Verbänn’, Karken, Gewarkschups un annere Vertreden, de vörslahn worrn sünd un dennso beropen warrt.

All’ tohop bild’t de Delegertenversammeln, de sick ehre egen’ Richt un Wiesen gevt. Se kiekt sick een’ Vöstand ut, wo de Arbeitskring ut bildt warrt für de Fackrebeden. In düsse Arbeitskrings warrt enkelte leidige Saken ut’nanner klamüsert un verhackstückt, wat för Hülp infrag’ kamen kann.

De Delegerten warrt in de sülvige Tiet mit de Bögerschupwahl utkeken.

Dat mokt wi

Wi nehmt de Saak vun de Bremers, de över sößtigJohr oolt sünd, heel iernst. Wi stekt use Nees dortwüschen un verkloort dat, wat nich goot lopen deit. Wi verlangt heel dull, dat leidige Saken afstellt warrt.

Wi laat us ok ut to Gesetten un fastset’ten Kraam un gaht tokehr, wenn wi nich inverstahn sünd. Dat mokt wi mit Moot un Eegenwertsinn.

Op de annere Siet vun de heel veel’n Firmen un Verbänn’ ut de Wertschup, de us mit Produkten un Deenstgeversch beschickt, seggt wi wat to un hefft ’n Oog dorop, dat op dat, wat wi nödig hebbt, ok ’nog keken warrt.

Meld’t Se sick bi us, wenn’t in Ehr’n Alldag nich mit rechten Ding’ togeiht. Dennso versökt wi, Se to Hülp to gahn. Bots tosamen staht wi fast.

Dat wüllt wi

Wi wüllt,

• dat Se dat in Ju’en Quarteer, wo Se to Huus sünd, goot geiht un
• dat de Verwalten ok süht, wat Se nödig hebbt, vördem as se niege Gesetten utklamüsert.
• Dat öllere Minschen sick sülven indeel’n köönt, wo at se leven wüllt.
• Wi wüllt een Tohop un Instahn för all’ Generatschonen.
• Wi wüllt us för de tokamen Begevnisse in Bremen mit all’ us’ Knööf insetten.

Wi stekt use Nees dortwüschen un verkloort dat, wat nich goot lopen deit. Wi verlangt heel dull, dat leidige Saken afstellt warrt.

Lann’s-Seniorenvertreden

De Seniorenvertreden in de Stadtgemeen’ Bremen is tosomen mit den Seniorenbiraat vun de Seestadt Bremerhaben de Lann’s-Seniorenvertreden Bremen.

• Wi knütt dat tohop, wat sick bi de seniorenpolitischen Begevnisse in Bremen so afspeel’n deit.
• Wi sünd Maten in de Bunn’sarbeitsgemeenschup vun de Lann’s-Seniorenvertreden.

De Seniorenvertreden hört keen’ Partei un Konfeschon to, gellt avers bi’n Senat vun de Frie’e Hansestadt Bremen  as de Vertreden för all’ de Senioren in Bremen.