Die Senioren-Vertretung ist die parteipolitisch und konfessionell nicht gebundene, vom Senat anerkannte politische Vertretung aller Senioren in Bremen.

Organisatschon

De Senioren-Vertreden gifft dat mit 94 Lidmaten, de öller as sösstig Johr sünd. Eene Schrieversche or Schrieversmann, een, de’n Oog op’n Geldbüdel hett, un veer Bisitter.

De Senioren-Vertreden sett‘ sick tohop ut ’n Köppel Tostännige för sotschale Hülpen un schickt dor twintig Lü’e op af.
Tosomen kamt dor vun de fre’en Gootgeeversch-Verbänne dartig Tostännige bi rut:

AWO
ASB
Innere Mission
Caritas
Dt. Paritätischer Wohlfahrtsverband DRK und
Jüdische Gemeinde

De Annern warrt vun de Oortsamt-Biraats betüdert. Dat süht so ut, dat in jedeen Stadtdeel een Minsch för 4.000 Olendelers tostännig is.
All‘ veer Johr gifft dat ne’e Wahlen.

Opgaven
De Senioren-Vertreden sett‘ sick för de üm un bi 145.000 Bremers in, de öller sünd as 60 Johr.
Se verhackstückt aII’ns över Frogen vun´t Öller, bedrievt, berotslogt, besnackt un griept unnere Aarms bi Plaans un Vörsorg, de öllere Minschen wat angoht (Overs nix, wat de Afkoten un Dokters mokt). Butendem mokt se klor, wat se in de Arbeits-Krings utfunnen hefft mit de Gemeenschop ut’n Parlament, de Verwalten, de Bunns-Arbeitsgerneenschop vun de Senioren -Vertreden vun’t Land un annere Verbänne, Vereene un Organisatschonen.

Arbeits-Krings
De Tostännigen vun de Senioren-Vertreden köönt ok in twee Fackrebeed’n wat doon. Dat sünd de Rebeeden vun Bo, Wohnen un Verkehr, Gesundheit, Politik, Plaans un Openmoken för all‘ Lü’e.

Arbeitskring för Bo, Wohnen un Verkehr
De Arbeits-Kring för Bo, Wohnen un Verkehr scheert sick üm de Saak „Wohnen in’n Öller“. Dorto höört ton Bispill dat Wohnen ohn‘ Hinnernissen. Dat gellt för Nee-, Üm- un Inbooten, de de ölleren Lü’e to- pass kaamt. De Verkehrs-Saak grippt ok de Ümstänn‘ bi de Verkehrs-Middel un an de Hollstä’en; so ok op swoore Frogen, wat den Strotenbo anbelangt.
Jüst so is dat bi dat Doolsacken vun de Kantsteen‘ an’n Footpadd, an Krüzen or wenn’t nich noog Stroten-Lüchten gifft.

Arbeits-Kring Gesundheit
Düsse Kring bekiekt un kleit sick üm de Gesundheits-Vörsorg, so ok üm de Kranken- un Pleegverseekern. Dorto warrt vun all‘ Sieden Informatschonen inhoolt un, wenn’t sien mutt, een Besluut afmokt un verfaat, de över de Vörsitters un de Tostännigen wieterstüürt warrt.
Dorto hört ok dat Nahdinken över de Tostänn‘ in’ne Pleeghüüs un de Saak, wo as kranke Lü’e vun to Huus afholt un wedder trüchbrocht weern schüllt. Düsse Opgaven besnackt un böögt trecht de Maten, de dat Leit vun de Pleeghüüshefft.

Arbeits-Kring Politik
De hierbi dat Seggen hefft, maakt dör Andrääg, Vörslääg, Besluuten un sowat klor, wo as se överlangs ne’e Gesett’n in Gesundheits- un Rentenfrogen, Pleegversekern inne Gang‘ kriegen köönt, de nödig sünd.

Arbeits-Kring för Plaans un Openmoken för all‘ Lü’e
Düssen Kring gifft dat in twee Deele. De Tostännigen, de sick dormet befaat, wat in’t Radio or in’t Blatt kamen schall. Se warkelt ok mit bi dat Gestalten vun’t Blatt für de Olendelers, wat een Mool in’n Maand rutgeven warrt.
Denn gifft dat ok noch dat Informatschonsblatt „Durchblick“ un se antert ok op Fragen bi un op Veranstalten.
De Arbeitskring gifft Plaans rut to’n Föddern vun ehre Gesetten, de nah ehre Mutz sünd. Se bruukt ok hannige Ünnerstütten, de bi dat Ümsetten wat mit bistüürt, all’ns ümtosetten, wat för de Gemeenschop un de ölleren Börgers in Bremen nödig is. Ton Bispill dat TohopWarken mit de Schandarms, de Kriminalers unsowieter. Un wenn jedet Johr de lütjen Kinner nah de School henkamt, kleit se sick dorüm, dat se Minschen find’t, de de Lütten seker över de Straaten bringt. Op dat Rebeet Kultur hefft se ok Lü’e, de wat in’ne School’n un Kinnergoorns vörläst. Se paßt ok op Kinner op bi’n Bökerschapp, vertellt wat ut oole Tieden un makt Schoolarbeiden mit de Kinner. Düsse Plaans weert vun Arbeits-Kring tohop stellt, wat avers nich heet, dat dat man blots de Tostännigen dor maken mööt. Nee – jedeen Bremer kann dorbi mitsnacken, mithölpen un mitmaken.

(Übersetzt von Helga Poppe)